“His Dark Materials” 3-րդ եթերաշրջանի թրեյլերը

Նյու Յորքում անցկացվող Comic Con միջոցառման ժամանակ ներկայացրեցին HBO ալիքի հաջողված նախագծերից՝ “His dark Materials” սերիալի եզրափակիչ 3-րդ եթերաշրջանի թրեյլերը:

Լիռա Բելակվայի արկածները մոտենում են ավարտին: Երրորդ եթերաշրջանում իրենց դերերին վերադառնալու են Լին-Մանուել Միրանդան՝ Լի Սկորսբիի դերում, Դաֆնի Կին (Լիռա), Ամիռ Ուիլսոն (Ուիլ), Ռուտ Ուիլսոն (Միսիս Կոլտեր), Ջեյմս ՄակԷվոյը (Ազրիել) և ուրիշներ:

Թրեյլերի անգլերեն տարբերակ

Թրեյլերի ռուսերեն տարբերակ

Սերիալը հիմնված է Ֆիլիպ Պուլիմանի դասական եռագրության վեպի հիման վրա և պատմում է Լիռա Բելակուաի և Ուիլ Պերիի պատմությունը, որոնք միասին պետք է բացահայտեն խորհրդավոր փոշու ֆենոմենը:

Կառանձնացնենք Լին-Մանուել Միրանդյի վերադարձը, ով 2-րդ եթերաշրջանում մահացել էր: Ֆիլիպ Պուլմանի գիտակները, որոնք ծանոթ են “Սաթե աստղադիտակ” վեպին, հավանաբար գուշակում են թե ինչ հնարքով է նա վերադառնալու: Նոր սերիաներում մեզ ցուցադրելու են մեռյալների երկիրը (զուգահեռ իրականություն, որտեղ բնակվում են մահացածների հոգիները):

Սերիալի վերջին եթերաշրջանը բաղկացած է լինելու 8 մասից: Պրեմիերան տեղի կունենա դեկտեմբերի 5-ին և ամեն շաբաթ կցուցադրեն երկուական սերիա: Եթերաշրջանը կեզրափակվի դեկտեմբերի 26-ին: