Հարիսոն Ֆորդը կփոխարինի Ուիլյամ Հերթին Մարվելի ֆիլմերում
-
Նորություններ
- հրապարակվել է 18.10.2022
Այս տարի մարտ ամսին երկարատև հիվանդության դեմ պայքարից հետո, կյանքից հեռացավ Ուիլյամ Հերթը, ով 2008 թվականից Մարվելի երկարապատումներում մարմնավորում էր ԱՄՆ պետքարտուղար Թադեուս Ռոսսին: Հիշեցնենք, որ հենց Թադեուսն է պատասխանատու սուպեր-զինվորի և Հալկի ստեղծման համար:
Ուիլյամ Հերթը նկարահանվել է 2008 թվականի <<Անհավանական Հալկ>> և 2016 թվականի <<Առաջին վրիժառուն. Հակամարտություն>> ֆիլմերում:
“Deadline”-ը հայտնում է, որ Մարվելի հետագա ֆիլմերում պետքարտուղարի դերը կշարունակվի, սակայն այժմ կերպարին կմարմնավորի Հարիսոն Ֆորդը, ով 8 տարի մեծ է Ուիլյամ Հերթից: Դերասանին առաջին անգամ կտեսնենք <<Կապիտան Ամերիկա. Նոր աշխարհակարգ>> ֆիլմում: Իր մասնակցությունը “Thunderbolts” ֆիլմում պաշտոնապես հաստատված չէ, սակայն շատ հավանական է, որի ռեժիսորը Ջեյք Շրեյերն է: Ֆիլմի պրեմիերան նախատեսված է 2024 թվականի հուլիսի 26-ին (Մարվել ընկերության կինոցանկում տեղի են ունեցել փոփոխություններ):
Ֆիլմի ընդհանուր սյուժեն գաղտնի է պահվում: Հայտնի է միայն այն որ դեպքերը տեղի են ունենում “The Falcon and the Winter Soldier” սերիալից հետո, որտեղ Ուիլսոնը վերջապես ընդունում է վահանը: Հարիսոն Ֆորդին նկարահանման հրապարակում կընկերակցեն Էնթոնի Մակին, Շիրա Հաասը և ուրիշներ: Բեմադրողը Ջուլիուս Օնան է:
